السؤال الذي حير الملايين ... واللي اتسأل هنا كتير
"أنا صفر ومعرفش حاجة ..ابدأ إزاي ؟ " " انا عايز حد يقولي ابدأ منين؟" " يا جماعة حد يفهمني ابدأ إزاي ؟ " ...اسأله كتير لكن ليها إجابة واحدة
☝ ركز ☝
خلينا الأول نتفق إن الفري لانسينج ده نوع شغل مش مهنة في حد ذاتها ..يعني أنت ممكن تبقي مهندس موظف في شركة .... وممكن تبقي مهندس فري لانسر .... لكن مفيش حاجة اسمها "أنا عايز أبقي فري لانسر ... طيب في إيه ؟ معرفش عايز ابقي فري لانسر وخلاص ".
طيب فهمنا اللي فوق كويس ؟ ... نيجي بقي للمهم
2- ابدأ اتعلم الحاجة دي واقرأ عنها كتير جداً .... يعني مثلاً لو هتتعلم Social Media تبدأ تقرأ في كل المصادر ... الFacebook والكتب و المواقع أو تاخد كورس لو حابب ... و تحاول تطبق عن طريق page تعملها علي الFacebook وتطبق اللي أنت بتدرسه وتقرأه.
3- ابدأ من اللي أنت بتنفذه وأنت بتتعلم تعمل بورتفوليو أو عينة من شغلك عشان صاحب العمل لازم يتفرج علي اللي أنت بتعرف تعمله بجد قبل ما يستعين بيك....ممكن تعرف إزاي تعمل بورتفوليو من هنا :http://on.fb.me/1Zo7dsf
4- شبكة علاقتك الشخصية غالباً ما بتكون المصدر لأول فرصة ليك ... يعني تتكلم مع اصحابك عن اللي أنت بتعمله وبتدرسه .... مع اهلك مع أقاربك .. مع أي حد بتتعرف عليه لازم وأنت ماشي تبقي سايب عنده علامة أن فلان ده بيعمل كذا ... عشان أول ما يسمع أن فيه حد محتاج الفري لانسينج في مجالك تكون أول حد يجي علي باله
5- ابدأ تابع مواقع الفري لانسينج زي موقعنا FreelanceME.net وهتلاقي عشرات الجروبات علي الفايسبوك فيها فرص الفري لانسينج كتير ... ممكن تبقي مصدر جيد للفرص.
6- هتجيلك أول فرصة ... هتكون صغيرة والعائد بتاعها مش كبير قوي ...أوعي تقول لأ ... وافق عليها ... ممكن تكون دي بداية لفرصة أكبر.
7- متقفش هنا ... اتعلم تاني وكبر البورتفوليو أكتر.... الفري لانسينج بيقاس بحجم خبرته اللي بتترجم في البورتفوليو بتاعه.
كل شغلانة ممكن يكون ليها ظروف تختلف عن التانية في طريقة البداية أو البورتفوليو مثلاً لكن ال 7 نقاط اللي فوق دي هي الخطوط العريضة اللي ممكن ينطبقوا علي أي شغل فري للنسينج في الدنيا.... ابداً وخليك واثق في نفسك .... الطريق من 1 ل 7 مش سهل
يا ريت تكونو استفدتم من المقالة
Hello, my name is Mohab Elshamy. I'm a 22 year old self-employed Pirate of earning money
ليست هناك تعليقات:
إرسال تعليق